Das Schützenlied (Schütterienleed)

Das Original der Wettringer Junggesellenschützen

Wann´t Ostern is, un Eier giff, Un dann den Dag daornaoh,
So Nomedags üm Uhr off fief, dann wäd de Plätz verkofft.
Man brukt se obbers nich faots betahl´n, De Lüh hebbt hier Kredit.
Dat kümp daorvon, weil kuott daonoh Hier fiert wett Schütterie.

Refrain: Schüttrie is fein, daoh freit sick graut un klein,
Dann drüift de Jungs mett de Wichtkes gaohn,
daoh küennt se nicks dran daohn!

Acht Daag vörher dann gifft ´n Fatt Beer, Dann brengs datt Toog nao de Roth.
Dann laupt de Blagen ahl achterheer, Datt is van Olls sa mooh.
Un Aobends dann üm Uhr off acht, Dann wett dat Wicht bestellt;
Ne Pull vull Söten in de Task, Wat fraog wie Käls naot Geld.

Refrain: Schütterie is fein ..........

Biet Laube maaken passeert sa faaken, Datt de Offizeern wäd dick.
Datt sind obbers iähre eegene Saaken, Datt kümmert annere Lüde ja nicks.
Dann kümmp datt Telt und wed upstellt, De Wichter makt et fien.
En´n Küönnigsdanz in blaude Arms, Watt hebbt de Kärl ´nen Splien!

Refrain: Schütterie is fein ..........

In witte Bucks, Zylinder upp Un´n schwatten Talgenrock,
de Herrn Offizeern in Paradekluft hollt se wat hauch den Kopp.
Dann kümp de Trumm un geiht Bumbum, Bliff kien aolt Wief in´n Hus.
Dreimaol dörn Duorp -watt de Behnkes gaoht- Batillionstambor vörup.

Refrain: Schütterie is fein ..........

Ne Kookenbude de kümp vörn Hus met Hiärtkes wunderschön.
Un manche Frier de koff sick hier watt Leckeres för de Diähn.
Ut Dankbarket för iähren Frier segg dann dat Wicht toleßt:
Nu niemm wi uss noch eenen mett, Kinners wat is dat nett.

Refrain: Schütterie is fein ..........

Den leßten Dag, dann sind´s ahl satt, van ahl denn Wiien un´t Beer.
Dann schlaopt se lang und sind so bang, dattdat Gelaog wett düer.
Tein Hähring dann ett woull pro Mann, De niemmt denn Kaater wegg.
Dann hätt´t upp maol: bis naichstes Jaohr; kaptoleeren, dat dött kien Mensk.

Refrain: Schütterie is fein ..........